पञ्चायतको अनौठो फैसला- दुई श्रीमतीसँग ३-३ दिन बस्नुपर्ने, एक दिन मनमर्जी

भारतको उत्तर प्रदेशस्थित रामपुरमा दुई श्रीमती भएका एक श्रीमान्‌को विवाद सुल्झाउन पञ्चायतले अनौठो फैसला सुनाएको छ। जेठी श्रीमतीले खर्च नपाएको भन्दै प्रहरी चौकीमा उजुरी दिएपछि शुरू भएको यो विवाद गाउँको पञ्चायतसम्म पुगेको थियो। घन्टौँसम्म चलेको पञ्चायतले श्रीमान् दुवै श्रीमतीसँग हप्ताको तीन-तीन दिन बस्नुपर्ने र बाँकी रहेको सातौँ दिन आफ्नो मनमर्जी अनुसार बिताउन पाउने निर्णय गरेको हो।

यसका साथै, श्रीमान्‌ले जेठी श्रीमतीको घरमा हरेक महिना खाद्यान्न (रासन) पुर्‍याइदिनुपर्ने र खर्चबापत प्रतिहप्ता ५०० रुपैयाँ दिनुपर्ने सर्तसमेत राखिएको भारतीय सञ्चार माध्यमहरूले जनाएका छन् । पञ्चायतको यो फैसलाको अहिले क्षेत्रभरि चर्चा भइरहेको छ।