घट्दो जन्मदर बढाउन नयाँ नीति, चौथो सन्तानसम्म २० हजार रुपैयाँ बचत

काठमाडौं ।

तेह्रथुमको छथर गाउँपालिकाले घट्दो जन्मदर र बढ्दो बसाइँसराइका कारण पहाडी क्षेत्रमा देखिएको जनसांख्यिक चुनौतीलाई लक्षित गर्दै धेरै सन्तान जन्माउने परिवारलाई प्रोत्साहन गर्ने नीति अघि सारेको छ। गाउँपालिकाले नवजात शिशुको नाममा बचत रकम जम्मा गर्ने व्यवस्था गर्दै पहिलोदेखि चौथो वा सोभन्दा माथिका सन्तानसम्म क्रमशः बढी रकम उपलब्ध गराउने निर्णय गरेको हो। गाउँपालिकाले ‘बालबालिका जीवन सुरक्षा कार्यक्रम’ अन्तर्गत नवजात शिशुको भविष्यको आर्थिक आधार तयार गर्ने उद्देश्यले पाँच हजारदेखि २० हजार रुपैयाँसम्म बचत गरिदिने व्यवस्था लागू गरेको जनाएको छ।