बालेनको आफ्नै शैली, निसानामा ५ मन्त्री, स्वर्णीमलाई ब्याकफायर, रवि मौन !

काठमाडौं । सत्तारुढ दल राष्ट्रिय स्वतन्त्र पार्टी भित्र विवादका स्वर बाक्लिन थालेका छन् । सरकार संचालनका विषयमा पार्टीभित्रै पनि विवाद उत्कर्षमा छ । प्रधानमन्त्री बालेनले मन्त्रीपरिषद् हेरफेरमा चासो राख्दा मतभेद चुलिएको हो । यहि मतभेदकाबीच प्रधानमन्त्री शाहले विभागीय मन्त्रीहरुलाई नै वेवास्ता गरि सरोकारवालाहरुसँग छलफल अन्तरक्रिया गर्दै आएका छन् ।

प्रधानमन्त्री बालेन्द्र शाह ‘बालेन’ ले मन्त्रीपरिषद पुर्नगठन गर्न लागेको विषय चर्चामा छ । उक्त चर्चाले सिंहदरबारदेखि पार्टी केन्द्रीय कार्यालय चमतीसम्म ठुलो हलचल पैदा गरेको छ । कारण हो, सरकारको एक सय दिने कार्यसूचीको मध्यम कार्यान्वयन र मन्त्रीहरुको कमजोर कार्यसम्पादन ।