फेवाताल किनारमा नकुहिने फोहोरको डङ्गुर (तस्बिरहरू)

पोखरा । पोखराको प्रमुख पर्यटकीय गन्तव्य हो – फेवाताल । पर्यटकका लागि आकर्षणको केन्द्र फेवातालले भने प्लास्टिकजन्य फोहोर, ढल मिसावट र अतिक्रमणको समस्या भोग्दै आएको छ । फेवातालमा पानीसहित अन्य पेय पदार्थका बोतल, प्लास्टिक, झोलादेखि जुत्ता–चप्पलसम्म भेटिन्छ ।

अहिले पनि फेवाताल किनारमा नकुहिने फोहोरको डङ्गुर देखिन्छ । ताल सफाइ गरेर निकालिएको फोहोर व्यवस्थापन नगरी किनारमै छोडिएको छ । ड्याम साइड पार्क र त्यस आसपास मात्र होइन, तालमा पनि पानीका बोतल तैरिएको देखिन्छ ।