पलायन हुँदै व्यवसायी

एक समय चितवनको राप्ती नगरपालिका–३ स्थित किरण ओलीको खोरमा डेढ लाख लेयर्स कुखुरा थिए। अहिले त्यही खोर रित्तो छ। १७ वर्षअघि पाँच हजार कुखुराबाट सुरु गरेको व्यवसायलाई निरन्तर विस्तार गर्दै सफल किसानको परिचय बनाएका ओली तीन वर्षदेखि यो व्यवसाय छाडेर बसेका छन्। उनी कुखुरापालन व्यवसायबाट घाटा भएपछि व्यवसाय छाड्न बाध्य भएका हुन्।

‘कुखुराका लागि क्लोज हाउस बनाउँछु भनेर बैंकबाट लोन लिएको थिएँ। त्यही बेला कुखुरा मरे। लोन थप गर्छु भनेको बैंकले दिएन,’ व्यवसाय छाड्नुको कारण बताउँदै उनले भने, ‘बैंकले आश्वासन दिएर रकम नदिँदा व्यवसाय नै छाड्नुपर्ने अवस्था आयो।’