कान्छारामको ‘टालो’ले ढाकेको वंशवादको लाज !

पैसाको संकटले पार्टी चलाउन फिटफिटी परेपछि २०१५ सालमा बीपी कोइरालाले सूर्यप्रसाद उपाध्याय, रामनारायण मिश्र र डा. तुलसी गिरी सदस्य रहेको चन्दा सङ्कलन समिति बनाए । सुवर्णशमशेर पार्टी चलाउने स्थायी स्रोत थिए । बीपीले पत्र नलेखी उनी एक पैसा झार्दैनथे । दुई तिहाइको सरकार थियो । तर पार्टी कार्यालयको भाडादेखि कर्मचारी तलबको समेत जोहो नहुँदा कार्यालय सचिव बासु रिसालसँग बीपी तर्किएर हिँड्थे ।