चलचित्र विकास बोर्डद्वारा रक्तदान र वृक्षारोपण

काठमाडौं । चलचित्र विकास बोर्डले २६औं वार्षिकोत्सवको छेकोमा रक्तदान र वृक्षारोपण कार्यक्रम गरेको छ । शनिबार पशुपतिनाथ क्षत्रस्थित विश्वरुप मृगस्थलीमा वृक्षारोपण गरियो ।

सरकारले सञ्चालन गरेको ‘सगरमाथा वृक्षरोपण महाअभियान’लाई साथ दिँदै बोर्डले उक्त कार्यक्रम गरेको हो । स्वच्छ वातावरणको मौलिक हक, वातावरणीय सन्तुलनसम्बन्धी राज्यको नीति तथा सन् २०४५ सम्म कार्बन उत्सर्जन शून्य गर्ने नेपालको प्रतिबद्धतालाई स्मरण गराउँदै चलचित्रकर्मीबाट वृक्षारोपण कार्यक्रम गरिएको छ ।