श्रमिकहरूले पाउने ज्यालाका लागि आवाज उठाइरहन्छु : सांसद कार्की

महिला उद्यमी तथा व्यवसायी प्रभा कार्की राष्ट्रिय स्वतन्त्र पार्टी (रास्वपा) बाट समानुपातिक सांसद् हुन् । खस आर्य कोटाबाट प्रतिनिधि सभा सदस्य (सांसद) बनेकी प्रभा रास्वपाको ललितपुर जिल्ला उपसभापति समेत हुन् ।

नेपालको राजनीतिमा परिवर्तन सम्भव छ भन्ने विश्वासले उनी राजनीतिमा होमिएकी हुन् । पद, पहिचान, शक्तिका लागि नभई असल राजनीतिक संस्कार र जनताको हितमा सशक्त आवाज उठाउन संसद् पुगेको उनी बताउँछिन् ।