ललितपुर ३ मा एआई सहायक सेवा सुरु, अब २४ सै घण्टा अनलाइनबाटै गुनासो दर्ता गर्न सकिने

काठमाडौं । ललितपुर महानगरपालिका ३ ले नागरिक सेवा प्रवाहलाई प्रविधिमैत्री बनाउँदै कृत्रिम बौद्धिकता (एआई) सहायक सेवा सञ्चालनमा ल्याएको छ । अब वडावासीले २४ सै घण्टा एआईमार्फत गुनासो दर्ता गर्न, वडा कार्यालयका सेवाबारे जानकारी लिन तथा विभिन्न सार्वजनिक सेवासम्बन्धी जानकारी प्राप्त गर्न सक्नेछन् ।

वडाले सुरु गरेको यो डिजिटल सेवामार्फत नागरिकले वडा कार्यालय पुग्नुपर्ने झन्झट बिना नै टेलिफोन, टेक्स्ट वा भ्वाइस सन्देशमार्फत आफ्नो समस्या राख्न सक्ने व्यवस्था गरिएको छ । प्राप्त गुनासोहरू एआई प्रणालीले रेकर्ड गर्नेछ भने कार्यालय खुलेको समयमा वडा कार्यालयले त्यसको अध्ययन गरी आवश्यक प्रक्रिया अघि बढाउने जनाएको छ ।