टोकियोले पुरुषहरूलाई कार्यालयमा हाफपाइन्ट्स लगाउन प्रोत्साहित गर्‍यो, समकक्षी महिला दिक्क

टोकियो । यस सिजन तापक्रम बढ्दै जाँदा जापानमा पुरुषहरूले कार्यालयमा पहिलेभन्दा धेरै छोटो लुगा लगाउन थालेका छन् । टोकियो महानगर सरकारले कम्पनीका कर्मचारीहरूलाई परम्परागत सुट र टाई त्यागेर टी–सर्ट, स्पोट्र्स जुत्ता (ट्रेनर्स) र हाफपाइन्ट्स जस्ता आरामदायी पोसाक लगाउन प्रोत्साहन गरिरहेको छ ।

टोकियोकी गभर्नर युरिको कोइकेले अप्रिलमा ‘टोकियो कूल बिज’ अभियान सुरु गरेकी थिइन् । यसअघि उनले सुरु गरेको गर्मीयाममा चिसो रहन प्रेरित गर्ने अभियानलाई अझ विस्तार गर्ने उद्देश्यका साथ यो पहल गरिएको हो ।