पुस्तक–चर्चा : इन्जिनियर वस्तीको चटनीजस्तो ‘सूक्ति–सङ्ग्रह’

सूक्ति भनेको कुनै सिद्धान्त, अनुभव वा सत्यलाई व्यक्त गर्न उल्लेख गरिने छोटो, सारगर्भित एवं जीवनोपयोगी मौलिक भनाइ हो । अपटेक हाउस, काठमाडौँले यस्तै जीवनोपयोगी र सारगर्भित भनाइहरुको सँगालो ‘सूक्ति–सङ्ग्रह’ नामक कृति प्रकाशन गरेको छ ।

लाङ्दी सिरान्चोक–८, गोरखामा जन्मिनुभएका वरिष्ठ इन्जिनियर एवं पेसाले सरकारी सेवामा सहसचिवका रुपमा कार्यरत गणेशराज वस्तीद्वारा रचित÷सङ्कलित यस कृतिमा सूक्तिहरुको विशाल राशि छ । यसमा झन्डै साढे ७ सय सूक्तिहरु अटाएका छन् ।