बागमती सरकारबाट एमालेका मन्त्रीहरूको सामूहिक राजीनामा

बागमती प्रदेश सरकारमा सहभागी नेकपा (एमाले) का मन्त्रीहरूले सामूहिक रूपमा राजीनामा दिने भएका छन्। उनीहरूले बुधबार दिउँसो मुख्यमन्त्री इन्द्रबहादुर बानियाँलाई भेटेर संयुक्त रूपमा राजीनामा पत्र बुझाउने तयारी गरेका छन्।

एमाले बागमती प्रदेश संसदीय दलका नेता जगन्नाथ थपलियाले मुख्यमन्त्री बानियाँलाई सम्बोधन गर्दै तयार गरेको राजीनामा पत्रमा सरकारमा सहभागी सबै एमाले मन्त्रीहरूले बुधबारकै मितिदेखि लागू हुने गरी पदबाट राजीनामा दिएको उल्लेख गरिएको छ।