चार दशकअघिको एउटा सपना पुनः जीवित हुँदा

जीवनमा केही क्षण यस्ता हुन्छन्, जहाँ खुसी, गर्व र भावुकता एकैसाथ अनुभूति हुन्छ। त्रिभुवन विश्वविद्यालय, चिकित्सा शास्त्र अध्ययन संस्थान (आईओएम) डीनको कार्यालयद्वारा आयोजित २०८३ सालको वार्षिकोत्सव समारोह मेरो लागि यस्तै एउटा अविस्मरणीय क्षण बन्यो।

सर्वप्रथम एमबीबीएस कार्यक्रमअन्तर्गत विभिन्न विषयमा उत्कृष्ट अंक हासिल गरी स्वर्ण पदक प्राप्त गर्नुहुने सम्पूर्ण विद्यार्थीहरूलाई हार्दिक बधाई तथा उज्ज्वल भविष्यको शुभकामना व्यक्त गर्दछु। विशेषगरी, कम्युनिटी मेडिसिन विषयमा उत्कृष्ट अंक हासिल गर्ने विद्यार्थीलाई स्वर्गीय डा. जित सिंह मल्ल स्वर्ण पदक पुनः प्रदान गरिएको देख्दा मन अत्यन्तै भावुक बन्यो।