रुस र आसियानबीच खाद्य तथा ऊर्जा सुरक्षामा सहकार्यको उच्च सम्भावना : सर्गेई लाभरभ

रुसी विदेशमन्त्री सर्गेई लाभरभले रुस र दक्षिणपूर्वी एसियाली राष्ट्रहरूको संगठन (आसियान) बीच खाद्य तथा ऊर्जा सुरक्षा सुनिश्चित गर्न सहकार्यको धेरै राम्रो सम्भावना रहेको बताएका छन्। इन्डोनेसियाको मनिलामा आयोजित रुस-आसियान विदेशमन्त्रीस्तरीय बैठकमा लाभरभले यो कुरा बताएका छन्।

लाभरभले भने, ‘हाम्रा देशका नेताहरू राजनीति र सुरक्षाका क्षेत्रमा महत्त्वपूर्ण सहमतिमा पुगेका छन्। नयाँ खतरा र चुनौतीहरूसँग जुध्न पनि सहमति भएको छ। व्यापार, अर्थतन्त्र, लगानी, संस्कृति, शिक्षा र मानवीय सम्बन्ध विकासमा सम्झौता भएका छन्। हामी खाद्य र ऊर्जा सुरक्षा, डिजिटल ट्रान्सफर्मेसन अनि प्लेटफर्म इकोनोमीको क्षेत्रमा धेरै राम्रो सम्भावना देख्छौँ। कजान शिखर सम्मेलनमा पारित चार वटा मौलिक दस्तावेजले यी सबै क्षेत्रमा संयुक्त कार्यका लागि स्पष्ट दिशानिर्देश गरेका छन्।’