दार्चुलाबाट गोविन्द केसीले भने: माग पूरा भएन भोलिदेखि अनसन बस्छु

काठमाडौं- चिकित्सा शिक्षा र स्वास्थ्य क्षेत्रको सुधारका लागि दिइएको समयसीमा (अल्टिमेटम) भित्र सरकारले आफ्ना मागहरू पूरा नगरेको भन्दै वरिष्ठ चिकित्सक प्रा. डा. गोविन्द केसीले भोलि साउन ७ गतेदेखि पुनः सत्याग्रह सुरु गर्ने घोषणा गरेका छन्।

दार्चुला पुगेर साउन ६ गते जारी गरिएको प्रेस विज्ञप्तिमार्फत डा. केसीले साउन ५ गतेसम्म आफ्ना मागहरू सम्बोधन गर्न सरकारलाई समय दिएको तर सरकारले पूर्ण रूपमा बेवास्ता गरेपछि बाध्य भएर पुनः अनसन बस्न लागेको जानकारी दिएका छन्।