मध्यपहाडी राजमार्गको जयराम–हलेसी खण्ड मर्मतका लागि टेन्डर आह्वान

काठमाडौँ । पुष्पलाल (मध्यपहाडी) राजमार्ग अन्तर्गत खोटाङको व्यस्त तथा धार्मिक रूपमा महत्त्वपूर्ण जयराम–हलेसी सडक खण्ड मर्मत सम्भारका लागि बोलपत्र (टेन्डर) आह्वान गरिएको छ । पुष्पलाल (मध्यपहाडी) राजमार्ग योजना कार्यालय, सित्खा, रामेछापले बुधबार एक सूचना जारी गर्दै उक्त सडक खण्डको पुनर्स्थापना तथा नियमित मर्मत सम्भार कार्यका लागि बोलपत्र आह्वान गरेको हो ।

यसअघि हलेसी तुवाचुङ नगरपालिकाकी नगर प्रमुख विमला राईले गत असार २६ गते राजमार्ग योजना कार्यालयलाई एक पत्र लेख्दै हलेसी–जयरामघाट सडक खण्ड तत्काल मर्मत गर्न अनुरोध गरेकी थिइन् ।