फेरि अनशनको तयारीमा डा. गोविन्द केसी, भने- ‘सरकार गम्भीर भएन’

काठमाडौं । डा. गोविन्द केसीले आफ्ना मागप्रति सरकारले निरन्तर उदासीनता देखाएको भन्दै आगामी ७ साउनदेखि पुनः सत्याग्रह (अनशन) सुरु गर्ने घोषणा गरेका छन्।

बुधबार दार्चुलाबाट सार्वजनिक गरिएको विज्ञप्तिमार्फत उनले चिकित्सा शिक्षा र स्वास्थ्य क्षेत्रलाई सीमित निजी स्वार्थको प्रभावमा लैजाने प्रयास भइरहेको आरोप लगाएका छन्। सरकारले सार्वजनिक हितभन्दा निजी समूहको दबाबलाई प्राथमिकता दिँदा चिकित्सा शिक्षा प्रणालीको उद्देश्य नै कमजोर बन्दै गएको उनको दाबी छ।