डा. गोविन्द केसीले गरे सत्याग्रहको घोषणा

काठमाडौं । प्रा.डा. गोविन्द केसीले सरकारले आफ्ना मागहरू बेवास्ता गरेको भन्दै भोलि (साउन ७ गते)देखि सत्याग्रह सुरु गर्ने घोषणा गरेका छन् ।

दार्चुलाबाट विज्ञप्ति जारी गर्दै केसीले चिकित्सा शिक्षा र स्वास्थ्य सेवा विशुद्ध गैरनाफामूलक सार्वजनिक सेवाका क्षेत्र भएकाले राष्ट्रिय चिकित्सा शिक्षा ऐन, २०७५ अनुसार चिकित्सा शिक्षालाई पूर्ण रूपमा गैरनाफामूलक बनाउने व्यवस्था तत्काल कार्यान्वयन गर्न सरकारसँग माग गरेका छन् ।