बडीमालिकाका १६ घर पहिरोको जोखिममा

६ साउन, बाजुरा । अविरल वर्षाका कारण बाजुराको बडीमालिका नगरपालिका–६ कोर्धमा पहिरोबाट ६ घर जोखिममा छन् । सोमबार राति परेको अविरल वर्षापछि पहिरो जाँदा कोर्धका ६ वटा घर प्रभावित भएका छन् भने १० घरधुरी उच्च जोखिममा परेका हुन् ।

अविरल वर्षापछि कोर्ध क्षेत्रमा पहिरो खसेर जमिन भासिएको सूचना प्राप्त हुनासाथ मंगलबार बिहान जिल्ला प्रहरी कार्यालय बाजुराबाट प्रहरी नायब उपरीक्षक शैलेश्वरी बोहराको नेतृत्वमा प्रहरी टोली तथा बडिमालिका नगरपालिकाको टोली खटिएर संयुक्त अनुगमन समेत गरेको छ ।