प्रधानमन्त्री बालेन्द्र शाहको घोषणा सामाजिक सञ्जालमा, अस्पतालमा अझै ३ प्रतिशत कर !

काठमाडौँ । प्रधानमन्त्री बालेन्द्र शाहले तीन प्रतिशत स्वास्थ्य समता कर हटाउने घोषणा गरे पनि अस्पतालहरूले बिरामीबाट अतिरिक्त शुल्क लिएको पाइएको छ । प्रधानमन्त्रीले हिजो मङ्गलबार सामाजिक सञ्जालमार्फत स्वास्थ्य र शिक्षा समता कर हटाउने घोषणा गरेका थिए । तर, अस्पताल पुगेका बिरामीहरूले स्वास्थ्य समता कर तिरिरहेको गुनासो गरेका छन् ।

ह्याम्स हस्पिटल, बयोधा अस्पताल लगायतले आफूबाट अतिरिक्त शुल्क लिएको बिरामीले गुनासो गरे । एक बिरामीले रातोपाटीसँग भने, ‘मैले नाक कान घाँटी रोग विशेषज्ञलाई देखाउनुपर्ने थियो । त्यसका लागि अतिरिक्त शुल्क तिरे ।’ अस्पतालले बिरामीलाई लिखित रूपमा प्रशासनबाट पत्र नआएको भन्दै तिन प्रतिशत लिनुपरेको बताएका छन् । अस्पतालहरूको बिलिङ शाखामा बुझ्दा अहिले पनि प्रायः अस्पतालहरूले तीन प्रतिशत शुल्क लिइरहेका छन् ।