परराष्ट्रमन्त्रीको प्रेस सल्लाहकारमा पाण्डे नियुक्त

काठमाडौँ- परराष्ट्रमन्त्री शिशिर खनालको प्रेस सल्लाहकारमा पत्रकार जगदीश्वर पाण्डे नियुक्त भएका छन्। मन्त्रिपरिषद् बैठकले पाण्डेलाई साउन १ गतेदेखि लागू हुने गरी परराष्ट्रमन्त्रीको प्रेस सल्लाहकार नियुक्त गर्ने निर्णय गरेको हो।

नुवाकोटको तादी गाउँपालिका-४ स्थायी घर भएका पाण्डेले परराष्ट्रमन्त्री खनालको स्वकीय सचिवालयमा प्रेस सल्लाहकारका रूपमा कार्यरत रहने परराष्ट्र मन्त्रालयले जनाएको छ। डेढ दशकदेखि पत्रकारितामा सक्रिय पाण्डेले खेलकुद पत्रकारिताबाट समसायिक विषयमा कलम चलाउँदै एक दशकअघिदेखि कूटनीतिमा रिपोर्टिङ थालेका हुन्। उनले राजधानी दैनिक, कान्तिपुर दैनिक र द हिमालयन टाइम्समा संवाददाताका भएर म गरिसकेका छन्। उनी पछिल्लो समय द डिप्लोम्याटमा सम्पादक थिए।