नेपालगन्जबाट खैरो हेरोइनसहित युवक पक्राउ

काठमाडौँ । प्रहरीले बाँकेको नेपालगन्जबाट खैरो हेरोइन सहित एक जना युवकलाई पक्राउ गरेको छ । पक्राउ पर्नेमा बाँकेको डुडुवा गाउँपालिका वडा नम्बर–२ बस्ने २८ वर्षीय राजेन्द्र लोनिया छन् ।

शनिबार लागुऔषध नियन्त्रण ब्युरो र लुम्बिनी प्रदेश प्रहरी कार्यालयबाट खटिएको टोलीले उनलाई पक्राउ गरेको हो । आरोपीको साथबाट १०५ ग्राम ७१० मिलिग्राम खैरो हेरोइन बरामद गरिएको लागुऔषध नियन्त्रण ब्युरोका एसएसपी सुवास बोहराले रातोपाटीलाई बताए ।