बीपी र पुष्पलालको वैचारिक दृष्टिकोणलाई समकालीन यथार्थसँग जोडेर नयाँ राजनीतिक बहस चलाउनु पर्छ: प्रलोपा

काठमाडौँ । प्रगतिशील लोकतान्त्रिक पार्टी (प्रलोपा) ले मुलुकको लोकतान्त्रिक आन्दोलनका दुई शिखर व्यक्तित्व बीपी कोइराला र पुष्पलाल श्रेष्ठको वैचारिक विरासतलाई समकालीन यथार्थसँग जोडेर नयाँ राजनीतिक बहस अघि बढाउनुपर्नेमा जोड दिएको छ ।

नेपालका प्रथम जननिर्वाचित प्रधानमन्त्री एवं प्रजातान्त्रिक समाजवादका प्रणेता बीपी कोइरालाको स्मृति दिवस र नेपाल कम्युनिस्ट पार्टीका संस्थापक महासचिव पुष्पलाल श्रेष्ठको स्मृति दिवसका अवसरमा बुधबार एक प्रेस वक्तव्य जारी गर्दै प्रलोपाले यस्तो धारणा अघि सारेको हो ।