विद्युत प्राधिकरणले जारी गर्यो २६ बुँदे सुधारात्मक निर्देशन

काठमाडौं । नेपाल विद्युत प्राधिकरणले विद्युत् वितरण प्रणालीमा देखिएका बारम्बारका अवरोध, असुरक्षित संरचना, बढ्दो चुहावट र बक्यौता महसुलजस्ता समस्या समाधानका लागि २६ बुँदे सुधारात्मक निर्देशन जारी गरेको छ ।

वितरण तथा ग्राहक सेवा निर्देशनालयका नवनियुक्त प्रमुख एवं उपकार्यकारी निर्देशक राजन ढकालले जिम्मेवारी सम्हालेकै दिन प्रादेशिक तथा डिभिजन कार्यालय प्रमुखहरूसँग छलफल गरी स्पष्ट जिम्मेवारी, लक्ष्य र समयसीमासहित यो निर्देशन दिएका हुन् ।