पाकिस्तानले अमेरिकासँग माग्यो १० अर्ब डलर

काठमाडौँ। इरानसँगको द्वन्द्व समाधानका लागि कूटनीतिक मध्यस्थता गरेपछि पाकिस्तानले अमेरिकासँग १० अर्ब अमेरिकी डलर बराबरको विदेशी मुद्रा स्थिरीकरण सुविधा (एक्सचेन्ज स्टाबिलाइजेसन फेसिलिटी) माग गरेको स्रोतलाई उद्धृत गर्दै रोयटर्सले जनाएको छ।

यो प्रस्ताव स्वीकृत भए आर्थिक सङ्कटबाट जुधिरहेको पाकिस्तानका लागि ठुलो राहत हुने अपेक्षा गरिएको छ। रोयटर्सका अनुसार पाकिस्तानले अमेरिकी अर्थमन्त्री स्कट बेसेन्टलाई पठाएको प्रस्तावमा पाँच वर्षसम्मका लागि १० अर्ब डलरको द्विपक्षीय विदेशी मुद्रा स्थिरीकरण सुविधा उपलब्ध गराउन अनुरोध गरेको छ।