फ्रान्समा १५ वर्षमुनिका बालबालिकालाई सामाजिक सञ्जाल प्रयोगमा प्रतिबन्ध

काठमाडौं । फ्रान्सको संसद्ले १५ वर्षभन्दा कम उमेरका बालबालिकाले सामाजिक सञ्जाल प्रयोग गर्न नपाउने व्यवस्था गर्दै नयाँ कानुन पारित गरेको छ । यससँगै फ्रान्स यस्तो प्रतिबन्ध लागु गर्ने युरोपियन युनियनको पहिलो देश बनेको बीबीसी ले जनाएको छ ।

यो कानुन आगामी जनवरीदेखि लागु हुने बताइएको छ । कानुनअनुसार फ्रान्समा सामाजिक सञ्जाल प्रयोग गर्न चाहने प्रत्येक व्यक्तिले आफ्नो उमेर प्रमाणित गर्नुपर्नेछ ।