गगन थापामाथि केदार कार्कीको गम्भीर आरोप: बाह्य शक्तिबाट सञ्चालित र आर्थिक रूपमा भ्रष्ट

नेपाली कांग्रेसका नेता तथा कोशी प्रदेशका पूर्वमुख्यमन्त्री केदार कार्कीले महामन्त्री गगन थापामाथि कडा आरोप लगाएका छन्। उनले पूर्वप्रधानमन्त्री गिरिजाप्रसाद कोइरालाले विगतमा गरेको टिप्पणी अहिले आएर सत्य सावित भइरहेको दाबी गरेका छन्।

बिपी स्मृति दिवसका अवसरमा कांग्रेसको इतर समूहले आयोजना गरेको कार्यक्रममा बोल्दै कार्कीले गगन थापा बाह्य शक्तिबाट सञ्चालित व्यक्ति भएको र आर्थिक रूपमा पनि भ्रष्टाचारमा संलग्न रहेको आरोप लगाए।