धनगढीमा २० रुपैयाँमै भरपेट शाकाहारी भोजन

धनगढी । कैलालीको धनगढीमा न्यून आय भएका श्रमिक र असहाय नागरिकलाई लक्षित गर्दै २० रुपैयाँमै भरपेट शुद्ध शाकाहारी भोजन दिने सेवा डेढ वर्षदेखि निरन्तर सञ्चालनमा छ ।

धनगढी उपमहानगरपालिकाको बसपार्क गोलमार्केट क्षेत्रमा सञ्चालित यो सेवामूलक अभियान श्री श्री १००८ महामण्डलेश्वर स्वामी राहुलेश्वरानन्द गिरीको संरक्षकत्वमा र श्री ऋषिकेश पीठ धर्म संरक्षण सम्बर्द्धन समिति मार्फत चल्दै आएको हो ।