अमेरिका इरानसँग वार्ता गर्न तयार, इरान गम्भीर नदेखिएको आरोप

६ साउन, काठमाडौं । अमेरिकी विदेशमन्त्री मार्को रुबियोले अमेरिका इरानसँगको संकट अन्त्य गर्न वार्ता र सम्झौताका लागि तयार रहेको बताएका छन् । उनले इरान भने यस विषयमा गम्भीर नदेखिएको पनि दाबी गरेका छन् ।

बीबीसी फारसीका अनुसार दक्षिण–पूर्वी एसियाली देशका विदेश मन्त्रीहरूको बैठकमा रुबियोले अमेरिका र इरानबीचको तनावबारे आफ्नो धारणा राखेका थिए ।