आर्थिक बर्ष २०८२।०८३ मा ताप्लेजुङबाट ८६ करोड बढी बजेट फ्रिज

ताप्लेजुङमा आर्थिक वर्ष २०८२।८३ मा ८६ करोड ५७ लाख ९५ हजार ३९६ रुपैयाँ बजेट खर्च हुन नसकी फ्रिज भएको छ। कोष तथा लेखा नियन्त्रक कार्यालय ताप्लेजुङका लेखापाल मनकुमार संग्रौलाका अनुसार फ्रिज भएको बजेटमध्ये संघीयतर्फ ५२ करोड ७९ लाख ७२ हजार ३९० रुपैयाँ र प्रदेशतर्फ ३३ करोड ७८ लाख २३ हजार ६ रुपैयाँ रहेको छ।

संघीयतर्फ चालु र पुँजीगत बजेट करिब बराबरी मात्रामा फ्रिज भएको छ भने प्रदेशतर्फ चालु बजेटको तुलनामा पुँजीगत बजेट दोब्बरभन्दा बढी फ्रिज भएको कोष तथा लेखा नियन्त्रक कार्यालयले जनाएको छ। समग्रमा चालु बजेटको तुलनामा पुँजीगत बजेट बढी मात्रामा खर्च हुन नसकेको देखिएको छ।