ठगी आरोपमा कलाकार नारद खतिवडासहित तीन जना पक्राउ

अध्यागमन विभागको हिरासतमा रहेका चिनियाँ नागरिकलाई छुटाइदिने प्रलोभन देखाएर ९ लाख रुपैयाँ ठगी गरेको आरोपमा तीन जनालाई प्रहरीले पक्राउ गरेको छ।

काठमाडौं उपत्यका अपराध अनुसन्धान कार्यालयले पक्राउ पर्नेमा कलाकार नारद खतिवडा, उदयपुरको कटारी नगरपालिका–८ सिरिसेका ३८ वर्षीय विक्रमबहादुर थापा र नवलपरासी (पश्चिम) को सुनवल नगरपालिका–७ तर्गौलीका ५९ वर्षीय गोपालकुमार गुरुङ रहेको जनाएको छ।