एक लाख लुटिएको रिसमा युवतीको हत्या, शव पलङभित्र लुकाएर दुई रात होटलमै बसे आरोपी

काठमाडौं । काठमाडौंको गोंगबुस्थित एक होटलमा युवतीको हत्या गरी शव पलङभित्र लुकाएको घटनामा प्रहरीले दैलेखका २७ वर्षीय रमेश बुढालाई पक्राउ गरेको छ। अनुसन्धानका क्रममा एक लाख रुपैयाँ चोरी भएको रिसमा उनले २५ वर्षीया निशा सुनारको हत्या गरेको खुलेको प्रहरीले जनाएको छ।

प्रहरीका अनुसार रमेश बुढा असार ३१ गते घर जान नयाँ बसपार्क पुगेका बेला निशासँग भेट भएको थियो। दुवै जना गोंगबुको एक होटल पुगेका थिए। त्यहाँ पुगेपछि युवतीले बुढालाई नुहाउन पठाएको र सोही क्रममा उनले बुढाको साथमा रहेको एक लाख रुपैयाँ लिएर फरार भएको अनुसन्धानबाट खुलेको छ।