विजय थलपतिको ‘जन नायकन’ले अग्रिम टिकट बुकिङबाट कमायो २० करोड भारु

नयाँ दिल्ली । दक्षिण भारतीय सुपरस्टार विजय थलापतिको बहुप्रतीक्षित चलचित्र 'जन नायकन’ ले प्रदर्शनअघि नै बक्स अफिसमा उत्कृष्ट सुरुआत गरेको छ ।

समाचार अनुसार रिलिज भन्दा एक दिनअघि फिल्मले अग्रिम टिकट बुकिङमार्फत नै २० करोड भारतीय रुपैयाँभन्दा बढी कमाएको छ । यसमा ब्लक सिटसमेत समावेश छन् । ब्लक सिटको बिक्रीलाई हटाएर हेर्दा पनि चलचित्रले करिब १४ करोड भारतीय रुपैयाँ बराबरको टिकट बिक्री गरिसकेको छ ।