बालेन सरकारको कूटनीतिमाथि विपक्षीको प्रश्न

काठमाडौँ । राष्ट्रिय स्वतन्त्र पार्टीका नेता वालेन्द्र (बालेन) शाह नेतृत्वको सरकारले अन्तर्राष्ट्रिय सम्बन्ध असन्तुलित बनाएको भन्दै विपक्षी दलले आपत्ति जनाउन थालेका छन् । यो सरकारले परम्परादेखि छिमेकीसँग रहँदै आएको सम्बन्ध बिगारेको, अन्य अन्तर्राष्ट्रिय सम्बन्धमा असर पार्ने खालको काम गरेको उनीहरूको आरोप छ ।

नेपाली कांग्रेसका नेता डा. प्रकाशशरण महतले पछिल्लो समय देशको अन्तर्राष्ट्रिय सम्बन्धको सन्तुलन बिग्रिएको दाबी गरे । रातोपाटीसँग कुरा गर्दै उनले भने, ‘कूटनीतिक सम्बन्ध बनाउनका लागि अन्तर्राष्ट्रिय सन्तुलन एकदमै जरुरी छ, तर पछिल्लो समय त्यो भत्किएको अनुभूति भइरहेको छ । अन्तर्राष्ट्रिय सम्बन्धमा सन्तुलन राख्न सकिएन भने धेरै ठुलो समस्या उत्पन्न हुन सक्छ ।’