नेप्से परिसूचक दोहोरो अङ्कले घट्यो

काठमाडौँ । धितोपत्र बजारमा सेयर कारोबार मापन गर्ने नेप्से परिसूचक आज दोहोरो अङ्कले घटेको छ। नेपाल स्टक एक्सचेञ्ज (नेप्से) का अनुसार नेप्से परिसूचक १३ दशमलव ९५ अङ्कले घटेर २,७१२ दशमलव ५४ विन्दुमा झरेको छ।

बजारसँगै अन्य परिसूचकहरूमा पनि गिरावट आएको छ। ठूला कम्पनीहरूको कारोबार मापन गर्ने सेन्सेटिभ परिसूचक २ दशमलव १० अङ्कले घटेर ४७० दशमलव ३१ मा, फ्लोट सूचक शून्य दशमलव ७७ अङ्कले घटेर १८५ दशमलव ८५ मा र सेन्सेटिभ फ्लोट सूचक शून्य दशमलव ५८ अङ्कले घटेर १५९ दशमलव ४३ मा पुगेको छ।