ट्युमरसँग लडिरहेकी राधिकाको केएमसीमा नि:शुल्क उपचार हुँदै

काठमाडाैं । सिन्धुपाल्चोकका सुरेश सिलवालका लागि पछिल्ला केही महिना असाध्यै पीडादायी बने। उनकी श्रीमती राधिकाको टाउकोमा देखिएको सानो गाँठो ६ महिनाभित्रै टाउकोभन्दा ठूलो ट्युमरमा परिणत भयो। एमआरआई गराएर रोगको पहिचान भए पनि कमजोर आर्थिक अवस्थाका कारण सुरेशले अस्पतालमा भर्ना गरेर उपचार गराउन सकेका थिएनन्।

यसैक्रममा, सामाजिक सञ्जालमा सुरेशले सहयोगको याचना गरेको भिडियो जेन–जी आन्दोलनकी साहसी उद्धारकर्ता किशोरी कार्कीको नजरमा पर्यो। उनले तुरुन्तै काठमाडौँ मेडिकल कलेजका सञ्चालक एवं पूर्वसांसद डा. सुनिल शर्मासँग सम्पर्क गरिन्। राधिकाको गम्भीर अवस्था देखेपछि शर्माले बिनाकुनै ढिलाइ सम्पूर्ण उपचार निःशुल्क गरिदिने निर्णय लिए।