सरकारले औपचारिक रूपमा हटायो ३ प्रतिशत स्वास्थ्य समता शुल्क

काठमाडौं- सरकारले निजी शिक्षा र स्वास्थ्य क्षेत्रमा लगाइएको ३ प्रतिशत समता शुल्क औपचारिक रूपमा हटाएको छ। बुधबार बसेको मन्त्रिपरिषद् बैठकले आर्थिक ऐन, २०८३ मा रहेको व्यवस्था कार्यान्वयन नगर्ने निर्णय गर्दै शिक्षा समता शुल्क र स्वास्थ्य समता शुल्कमा पूर्ण छुट दिने निर्णय गरेको हो।

मन्त्रिपरिषद्ले आर्थिक ऐन, २०८३ को दफा १८ को उपदफा (१) बमोजिम शिक्षा समता शुल्क र स्वास्थ्य समता शुल्क पूर्ण रूपमा छुट दिने निर्णय गरेको छ। यससँगै निजी स्वास्थ्य संस्था तथा निजी शैक्षिक संस्थाबाट सेवा लिँदा सेवाग्राहीले तिर्नुपर्ने अतिरिक्त ३ प्रतिशत शुल्क हटेको छ।