कांग्रेस एकतामा क्षति पुग्यो भने जिम्मेवारी वर्तमान नेतृत्वले लिनुपर्छ : शशांक कोइराला

नेपाली कांग्रेसका नेता डा. शशांक कोइरालाले पार्टीभित्रको असमझदारी, अविश्वास र समूहगत प्रतिस्पर्धा समयमै समाधान गर्न नेतृत्व असफल भए कांग्रेसको एकतामा गम्भीर क्षति पुग्न सक्ने चेतावनी दिएका छन्। उनले पार्टी विभाजनको अवस्था सिर्जना भए त्यसको राजनीतिक र नैतिक जिम्मेवारी वर्तमान नेतृत्वले नै वहन गर्नुपर्ने बताएका छन्।

बीपी कोइरालाको ४४औँ स्मृति दिवसका अवसरमा आयोजित कार्यक्रममा बोल्दै कोइरालाले नेतृत्वले सबै नेता–कार्यकर्ताको स्वाभिमानको सम्मान गर्दै संवाद, सहमति र सहकार्यको वातावरण निर्माण गर्नुपर्नेमा जोड दिए।