६ अर्ब राजस्व संकलन

जनकपुर। बजारमा देखिएको आर्थिक तरलताका बाबजुद आन्तरिक राजस्व कार्यालय जनकपुरले आर्थिक वर्ष २०८२/८३ मा ६ अर्ब ६ करोड ७८ लाख ८८ हजार रुपैयाँ राजस्व संकलन गरेको छ।

आन्तरिक राजस्व कार्यालय जनकपुरका प्रमुख आनन्दकुमार गुप्ताका अनुसार विभिन्न अभियानमार्फत पुरानो बक्यौता असुली र बजार अनुगमनलाई तीव्रता दिएपछि लक्ष्यको ८८.४९ प्रतिशत राजस्व संकलन भएको हो। आव २०८२/८३ मा कार्यालयले अन्तशुल्कतर्फ दुई अर्ब ५५ करोड सात लाख ३० हजार रुपैयाँ, आयकरतर्फ दुई अर्ब ६ करोड ८२ लाख एक हजार र मूल्यअभिवृद्धि करतर्फ एक अर्ब २८ करोड ४० लाख ९९ हजार रुपैयाँ राजस्व संकलन गरेको छ।