कांग्रेसले बीपीको प्रजातान्त्रिक समाजवाद छाडेर सामाजिक लोकतन्त्रमा जानु पश्चगमन हो : बिमलेन्द्र निधि

६ साउन, काठमाडौं । नेपाली कांग्रेसका पूर्वउपसभापति बिमलेन्द्र निधिले कांग्रेस ‘प्रजातान्त्रिक समाजवाद’ छाडेर ‘सामाजिक लोकतन्त्र’मा जानु भनेको पश्चगमन भएको टिप्पणी गरेका छन् । बुधबार बीपी स्मृति दिवसका अवसरमा प्रज्ञा भवनमा कांग्रेसको संस्थापन इतर समूहले आयोजना गरेको कार्यक्रमलाई सम्बोधन गर्दै उनले यस्तो बताएका हुन् ।

बीपी कोइरालाले प्रतिपादन गरेको प्रजातान्त्रिक समाजवाद नेपाली राजनीतिको चीरकालीक दर्शन रहेको निधिको भनाइ छ । त्यहीकारण कांग्रेसले बीपी कोइरालाको सधैँ सम्मान र बीपी विचार अनुशरण गरिरहेको उनले बताए ।