कंगोमा इबोला संकट गहिरिँदै : ९६७ जनाको मृत्यु, संक्रमण पाँच प्रान्तमा फैलियो

लोकतान्त्रिक गणतन्त्र कंगो (डीआर कंगो)मा इबोला भाइरसको संक्रमण निरन्तर फैलिँदै गएको छ। नयाँ–नयाँ क्षेत्रमा संक्रमण पुष्टि भइरहेका बेला विश्व स्वास्थ्य संगठन (डब्ल्यूएचओ)ले प्रकोप अझै नियन्त्रणमा आउन नसकेको जनाएको छ।

डब्ल्यूएचओका इटुरी प्रान्तका घटना व्यवस्थापक थियर्नो बाल्डेले जेनेभामा आयोजित पत्रकार सम्मेलनमा दीर्घकालीन अस्थिरता, द्वन्द्वको जोखिम, ठूलो संख्यामा हुने जनसङ्ख्याको आवतजावत तथा विस्थापनले संक्रमण नियन्त्रणलाई जटिल बनाएको बताए।