ठगीको आरोप लागेका कलाकार नारद खतिवडा चार दिन हिरासत मै रहने

काठमाडौं– अध्यागमन विभागको हिरासतमा रहेका चिनियाँ नागरिकलाई छुटाइ दिने तथा विभागको नियन्त्रणमा रहेका राहदानी फिर्ता गराइदिने आश्वासन दिँदै ९ लाख रुपैयाँ ठगी गरेको आरोपमा पक्राउ परेका हास्य कलाकार नारदप्रसाद खतिवडासहित तीन जनालाई अदालतको अनुमति अनुसार चार दिन हिरासतमा राखेर अनुसन्धान अघि बढाइने भएको छ ।

काठमाडौं उपत्यका अपराध अनुसन्धान कार्यालय, टेकुले पीडितको उजुरीका आधारमा सोमवार काठमाडौंका विभिन्न स्थानबाट तीन जनालाई पक्राउ गरेको थियो ।