बाँसुरी बजाएर हालान्डको मन जितेकी विधि

२१ वर्षीया विधि क्षेत्रीलाई हातमा बाँसुरी भए धेरै थोक नभए पनि हुन्छ ।

एक त बाँसुरी कृष्णको बाजा, अर्को विधि आफैं कृष्णभक्त । विधिलाई उसै पुग्ने भइहाल्यो । यस सँगै बाँसुरी बजाउँदा उनलाई मनैदेखि शान्त महसुस हुन्छ । जुन अनुभव उनले अरू थोकमा विरलै पाउँछिन् । पढाइको विषय इन्जिनियरिङ भए पनि सामाजिक सञ्जालमा आफूलाई उनले बाँसुरीवादकको रूपमा चिनाइरहेकी छिन् ।