बंगलादेशमा दादुराबाट थप ६ जनाको मृत्यु

ढाका । बंगलादेशमा दादुराको प्रकोप अझै नियन्त्रणमा आउन नसक्दा थप ६ जनाको मृत्यु भएको छ । यससँगै दादुरा पुष्टि भएका तथा दादुरासँग मिल्दोजुल्दो लक्षणका कारण मृत्यु हुनेको कुल सङ्ख्या ८०३ पुगेको छ ।

बंगलादेशको स्वास्थ्य सेवा महानिर्देशनालयले बुधबार सार्वजनिक गरेको विवरणअनुसार पछिल्लो २४ घण्टामा थप १३३ जनामा दादुरा सङ्क्रमण पुष्टि भएको छ । स्वास्थ्य निकायले गत मार्च १५ देखि प्रकोपसम्बन्धी नियमित विवरण सार्वजनिक गर्दै आएको छ ।