९ बुँदे सहमति अनुसार गणेश नेपालीको घटनामा ७ दिनभित्र बुझाउनुपर्नेछ प्रतिवेदन

त्रिपुरेश्वरको राहदानी विभाग अगाडि ज्यान गुमाएका गणेश नेपालीको परिवारसँग गरिएको सम्झौता अनुसार सरकारले न्यायिक छानबिन समिति गठन गरेको छ।

मन्त्रिपरिषदको बुधबारको बैठकले गणेश नेपालीको मृत्युको घटनाबारे सत्यतथ्य छानबिन गर्न उच्च अदालतका पूर्वन्यायाधीश केशवप्रसाद बास्तोलाको अध्यक्षतामा न्यायिक समिति गठन गरेको मन्त्रिपरिषद प्रवक्ता एवं शिक्षा तथा खेलकुद मन्त्री सस्मित पोखरेलले जानकारी दिए।