व्यापार बढाउँदै ‘गौँथली’, अधिकांश शो हाउसफुल

काठमाडौं । चलचित्र ‘गौँथली’ले व्यापारिक रफ्तार समातेको छ । गत शुक्रबार रिलिज भएको चलचित्रले हरेक दिन व्यापार बढाउँदै गएको छ ।

पहिलो दिन औसत देखिएको हलमा छैटौँ दिन आइपुग्दा अधिकांश शो हाउसफुल भएका छन् । आजका अधिकांश शो बिहानैबाट राताम्मे देखिएका छन् । कतिपय शो त फिलिङ फास्टमा गइरहेका छन् । अबेर साँझका शोमा बिहानै ८० प्रतिशतभन्दा माथि टिकट बिक्री भइसकेको देखिएको छ ।