काठमाडौंका कहाँको जग्गाको मूल्य कति ?

काठमाडौँ । सरकारले चालु आर्थिक वर्षका लागि देशैभरिका जग्गाको प्रयोजन अनुसार नयाँ सरकारी मूल्य (मूल्याङ्कन) कायम गरेको छ। सम्बन्धित मालपोत कार्यालयहरूले गत आर्थिक वर्षको तुलनामा अधिकतम १० प्रतिशतसम्म वृद्धि गरी जग्गाको न्यूनतम र अधिकतम मूल्य तोकेका हुन्।

मालपोत कार्यालय डिल्लीबजारका अनुसार केशरमहल, जमल, ठमेल, न्यूरोड र माइतीघर वरपरका जग्गाको मूल्य प्रतिआना ७६ लाख ६० हजार रुपैयाँ पुगेको छ। त्यस्तै रत्नपार्क, पुरानो बसपार्क र सहिद गेट क्षेत्रका लागि प्रतिआना ७६ लाख २० हजार रुपैयाँ कायम गरिएको छ।