एफआईयू-नेपाल र स्ट्यान्डर्ड चार्टर्डद्वारा वित्तीय अपराध नियन्त्रणसम्बन्धी कार्यशाला आयोजना

काठमाडौं । स्ट्यान्डर्ड चार्टर्ड बैंक नेपालले नेपाल राष्ट्र बैंकअन्तर्गतको वित्तीय जानकारी इकाई (एफआईयू–नेपाल) सँगको सहकार्यमा वित्तीय अपराध नियन्त्रणसम्बन्धी क्षमता अभिवृद्धि कार्यशाला आयोजना गरेको छ।

काठमाडौंमा आयोजित ‘एफएटीएफ मापदण्डअनुसार एएमएल/सीएफटी/सीपीएफ अनुपालनको प्रभावकारिता अभिवृद्धि’ विषयक एकदिने कार्यशालामा नियामक निकाय, बैंक तथा वित्तीय संस्था, धितोपत्र बजारसँग सम्बन्धित संस्था, बीमा कम्पनी, सहकारी तथा अन्य प्रतिवेदन पेश गर्ने निकायका १४० भन्दा बढी प्रतिनिधिको सहभागिता रहेको बैंकले जनाएको छ।