पटक–पटकको असफलता बिर्सिएर ओली–प्रचण्डबिच फेरि सहकार्यको प्रयास

काठमाडौँ । वाम गठबन्धन भत्किएको २४ महिनापछि नेकपा एमालेका अध्यक्ष केपी शर्मा ओली र नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ फेरि नजिकिएका छन् । प्रदेशमा नेपाली कांग्रेस र एमालेको सत्ता गठबन्धन सङ्कटमा परेको बेला ओली र प्रचण्ड नजिकिएका हुन् ।

यसअघि यी दुई नेताबिच पटक–पटक सहकार्य भए पनि सफल हुन सकेको थिएन । यहाँसम्म कि, दुवै नेताको पहलमा एमाले र माओवादीबिच एकता गरी नेकपा गठन गरे पनि त्यो एकता लामो समय टिक्न सकेन । ०७९को संसदीय निर्वाचनपछि पनि एमाले र माओवादीबिच दुई पटक सत्ता सहकार्य भयो, यद्यपि त्यो पनि लामो समय टिक्न सकेन ।