मन्त्रीको राजीनामा होल्ड हुनु र मुख्यमन्त्री बानियाँले भेट नदिनु होइन संयोग मात्र

हेटौँडा । बागमती प्रदेश सरकारबाट नेकपा एमालेका ६ जना मन्त्रीले सामूहिक राजीनामा दिएका छन् । पटक–पटक राजीनामा दिने भाखा सार्दै आएको एमालेले बुधबार भने मुख्यमन्त्री कार्यालयमा राजीनामापत्र दर्ता गराएको छ ।

मुख्यमन्त्री इन्द्रबहादुर बानियाँले भेट नदिएपछि एमालेका मन्त्रीहरूको राजीनामा सचिवालयमा दर्ता गरेर प्रमुख सचिव बाबुराम अधिकारीसमक्ष पेस गरिएको हो । कृषि, पशुपन्छी, वन तथा वातावरण मन्त्री मधुसुदन पौडेलले मुख्यमन्त्री बानियाँको सचिवालयमा राजीनामा पत्र दर्ता गराएका हुन् । प्रदेश सरकारमा सहभागी एमालेका ६ जना मन्त्रीको सामूहिक राजीनामा मन्त्री पौडेलले सचिवालयमा दर्ता गराएर प्रमुख सचिव अधिकारीसमक्ष पेस गरेका थिए ।